March 25, 2017

சாதனை படைக்கலாம்

பதிப்பாளர்கள்
முழுத்தொகுப்பு வெளியிட்டு
சிலாகிக்கலாம்

வாசகர்கள்
அதையும் இதையும்
தேடித்தேடி வாங்கி
அப்படி இப்படி
என்று ரசிக்கலாம்

விமர்சகர்கள்
ஒவ்வொரு எழுத்தையும்
அக்கக்காய் பிட்டுவைத்து
பக்கம் பக்கமாய்
விமர்சனம் எழுதித் தீட்டலாம்

ஏதேனும்
ஒரு புத்தகம்
பல்லாயிரம் பிரதிகள் கடந்து
விற்பனையில் சாதனை படைக்கலாம்

அந்தப் பெயர்
ஏககாலத்தில்
பல்லாயிரம் மனங்களில்
இடைவிடாது ஒலிக்கலாம்

இத்தனையும் நிகழ
பாவம்
ஒரு எழுத்தாளன்
இறந்து தொலைக்கவேண்டியிருக்கிறது

(தோன்றியது: 25.03.2017 காலை 11.35
எழுத ஆரம்பித்தது: மதியம் 1.45
இறுதி வடிவம் எட்டியது: மதியம் 2.01)

Related Posts Plugin for WordPress, Blogger...