October 8, 2016

அறிவியல் பூர்வமான கிராபிக்ஸ் கதைகளை பதிப்பிக்க வேண்டும் -ஜெ


கடந்த ஆகஸ்ட் மாதத்தில் பௌலோ கொய்லோவின் ரஸவாதி, கிராபிக்ஸ் நாவலாக வெளிவந்துள்ளதைப் பற்றி பதிவொன்று எழுதினேன். அதை ஜெயமோகனுடன் பகிர்ந்துகொண்ட நான், அவரது பனிமனிதன் நாவலை கிராபிக்ஸ் நாவலாக யாராவது வெளியிட்டால் நன்றாக இருக்கும் என்று சொன்னேன். இதை ஏன் சொல்கிறேனென்றால், கோவை ஆர்.எஸ்.புரம் சப்னா புத்தக மையத்தில் வாசகர் கலந்துரையாடலில் ஜெயமோகன் அறிவியல் பூர்வமான கிராபிக்ஸ் கதைககளை வெளியிட பதிப்பாளர்கள் முன்வர வேண்டும் என்று கேட்டுக்கொண்டுள்ளார். அந்த செய்தி என்னை மகிழ்ச்சியில் ஆழ்த்தியது. நம் பதிப்பாளர்கள் எப்போதும் ஏதாவது தூண்டுதல் இல்லாமல் எதையும் புதியதாகச் செய்ய மாட்டார்கள். ஜெயமோகன் செய்தி பதிப்பாளர்கள் செவிகளை எட்ட வேண்டும் என்று விரும்புகிறேன்.

இன்றைய தமிழ் தி ஹிந்துவில் வெளியான, ஜெயமோகன் கருத்து பற்றிய செய்தி பின்வருமாறு:

அறிவியல் பூர்வமான கிராபிக்ஸ் கதைகளை பதிப்பிக்க, பதிப்பாளர்கள் முன்வர வேண்டும் என்று எழுத்தாளர் ஜெயமோகன் வலியுறுத்தியுள்ளார்.

கோவை ஆர்.எஸ்.புரம் சப்னா புத்தக மையத்தில் வாசகர் எழுத்தாளர்கள், வாசகர்கள் சந்திக்கவும், கலந்துரையாடவும் ஏற்பாடு செய்யப்பட்டுள்ளது. இங்கு வந்த எழுத்தாளர் ஜெயமோகனை கவிஞர் புவியரசு, சப்னா புக்ஸ் கார்த்திகேயன் ஆகியோர் வரவேற்றனர்.

வெளிநாட்டுக்கார்கள் குறித்த நூல் ஒன்றை எடுத்து, அதில் குறிப் பிட்ட சில கார்களை சுட்டிக்காட்டி பேசினார். சிங்கப்பூரில் சமீபத்தில் தான் கண்ட கார் அனுபவங்கள் குறித்தும் விவரித்தார். ஒரு பேட்டரி கார் அரை மணி நேரம் சார்ஜ் செய்தால் 20 மணி நேரம் இயங்குவது குறித்தும், அது 200 கிமீ வேகத்தில் செல்வது பற்றியும் விவரித்தவர், நடிகர் ரஜினியிடம் அந்த காரை வாங்குமாறு தான் சொன்னதையும், அதற்கு அவர், ‘அம்பாஸிடர் கார் தான் எனக்கு எப்பவுமே’ என்று கூறியதையும் வேடிக்கையாக குறிப்பிட்டார்.

தொடர்ந்து அவர் கூறியதாவது:

‘காந்தியும், அம்பேத்கரும் இரு நிலைகளில் நின்று ஒவ்வொருவரும் மற்றவரை மாற்றினர். அது ‘காந்தியம் தோற்கும் இடங்கள்’ என்ற எனது நூலில் உள்ளீடாக வருகிறது. அம்பேத்கர் புத்த மதத் தில் ஆரம்பம் முதல் நாட்டம் கொண்டிருந்தார். 1918-ம் ஆண் டில் வர்ணாசிரம தர்மத்தை முழுமை யாக ஏற்றுக் கொண்டிருந்தார்.

1940-களில் ஜாதி மறுப்புத் திருமணம் என்பது தலித்- ஜாதி இந்து திருமணம் மட்டுமே, அதற்கு மட்டுமே என் ஆசீர்வாதம் உண்டு என தீர்க்கமாய் நின்றார். வர்ணாசிரம காந்தியை இந்த இடத்துக்கு கொண்டு வந்து சேர்த்தது அம்பேத்கரின் தத்துவார்த்தம். அதேபோல், பின்னாளில் அம்பேத்கர், தன் மக்களிடையே தண்ணீர் எடுக்கும் போராட்டம் ஒன்றை நடத்துகிறார். அந்த அஹிம்சை வழியிலான போராட்டத்துக்கு அம்பேத்கரை கொண்டு வந்து சேர்த்தது காந்திய தத்துவம். மைய அதிகாரமே சரி என்றார் அம்பேத்கர். மைய அதிகாரமே கூடாது, கலைத்து விடவேண்டும் என்றார் காந்தி. இருவரும் இறுதியில் ஒரே புள்ளியில் இணைகிறார்கள்.

ஆக, அம்பேத்கரை காந்தியின் தத்துவங் களும், காந்தியை அம்பேத்கரின் தத்துவங்களும் மாற்றின. அதனால்தான் இந்த காலகட்டத்தில் உருவான நம் இந்திய அரசியல் அமைப்புச் சட்டத்தில் இந்த இரண்டு தத்துவங்களும் பின்னிப் பிணைந்து நிற்கின்றன. உலகத்திலேயே ‘ஸ்பிரிச்சுவல்’ தன்மையுள்ள அரசியல் அமைப்புச் சட்டம் பிரெஞ்ச், அமெரிக்கா, இந்தியாவில் மட்டுமே உள்ளது. இங்கே மட்டும்தான் ஒரு அவதூறு வழக்கு நீதிமன்றங்களில் நிற்ப தில்லை. தனி மனித சுதந்திரம், கருத்து சுதந்திரம் என்பது அந்த அளவுக்கு இந்திய அரசியல் அமைப்புச் சட்டத்தில் அமைந் திருப்பதற்கு இந்த ‘ஸ்பிரிச்சுவல்’ தன்மையே காரணம்.

சிங்கப்பூர், அமெரிக்கா போன்ற நாடுகளில் தற்போது பெரியவர்கள், சிறியவர்கள் அதிகமாக வாங்கிப்படிக்கும் அளவுக்கு கிராபிக்ஸ் கதை நூல்கள் வந்துவிட்டன. அதில் அறிவியல் பூர்வக்கதைகள் நிறைய உள்ளன. இந்தியாவில் கதைக்கு சுத்தமாகப் பொருந்தாத படங்கள் போட்டும், ராமாயண, மகாபாரத கதைகளை கிராபிக்ஸ்ஸில் கொண்டு வருகிறார்கள். அதைத் தாண்டி புதுவிஷயங்களை இதில் உட்புகுத்த பதிப்பாளர்கள் முன்வர வேண்டும் என்றார் ஜெயமோகன்.

Related Posts Plugin for WordPress, Blogger...