July 5, 2013

மொழி அதிர்ச்சி –கோபிகிருஷ்ணன்

ஒரு மொழயில் பிறமொழி வார்த்தைகள் கலந்து பேசுவது இன்று சகஜமாகிவிட்டது. ஆனால் அந்த பிற மொழியைத் தெரியாதவர்களுக்கு அது அர்த்தமற்றதான வெறும் ஓசையாகவே தெரியும். இருந்தும் பழக்கத்தில் அந்த வார்த்தையை தன் பேச்சில் உபயோகிப்பார்கள். ஆனால் அதன் அர்த்தம் தெரிந்த ஒருவருக்கு அவர் பேசுவது எத்தகைய அனர்த்தத்தைத் தரும் என்பதை கோபிகிருஷ்ணனி்ன் மொழி அதிர்ச்சி கதை நகைச்சுவையாகச் சொல்கிறது.

நம் தமிழ் மொழியில் எத்தனையோ ஆங்கில வார்த்தைகள் கலந்து பேசப்படுகிறது. பேசுபவர்கள் எல்லோரும் அதன் அர்த்தத்தை முழுமையாக தெரிந்துதான் பேசுகிறார்களா என்ன? அப்படி அர்த்தம் தெரியாமல் அதை உபயோகித்து பேசும்போது அதன் அந்நியத்தன்மை நம்மை முதலில் சிரிக்க வைத்தாலும், அது ஒரு மொழியின் சிதைவு என்றறியும்போது, அது நமக்கு அதிர்ச்சியாகவே ஆகிறது. நம் மொழி அறியாதவர்கள், நம் மொழியின் வார்த்தைகளை அப்படித்தானே உபயோகிப்பார்கள் என்ற சிந்தனையை இந்தக் கதை நமக்குள் விதைக்கிறது.

ஆக, ஒரு மொழியை நன்றாகக் கற்றுத் தேர்ந்து பேசுவது நலம். அதைவிடுத்து அரைவேக்காட்டுத் தனத்துடன் பிறமொழிகளைக் கொலை செய்வது நல்லதல்ல என்பதை கோபிகிருஷ்ணன் இந்தக் கதையின் வாயிலாக நமக்கு உணர்த்துகிறார்.

Related Posts Plugin for WordPress, Blogger...